МСП пад кіраўніцтвам жанчын могуць узяць крэдыт у мясцовым банку, а таксама атрымаць кансультацыю і пашырыць веды і навыкі, каб павысіць канкурэнтаздольнасць свайго прадпрыемства. Асноўная мэта праекта – ствараць больш спрыяльныя ўмовы для жанчын у бізнэсе.

Беларускія МСП розных галін, якія хочуць трансфармаваць свой бізнэс і выйсці на новы ўзровень, могуць атрымаць падтрымку ад мясцовых і міжнародных кансультантаў. Мэта праекта – дапамога ў стварэнні сайтаў, распрацоўка маркетынгавай стратэгіі, ўкараненне новай сістэмы кіравання і іншыя змены ў адпаведнасці з патрэбамі прадпрыемства.

МСП і індывідуальныя прадпрымальнікі, якія хочуць развіваць свой бізнес і павышаць яго канкурэнтаздольнасць, могуць звяртацца за бізнэс-парадамі да экспертаў, наведваць вебiнары, трэнінгі і анлайн-кансультацыі.

МСП, якія працуюць у сферах бія/арганічных прадуктаў, віна, турызму, тэкстылю і крэатыўнай эканомікі, могуць падаць заяўку на падбор патэнцыйных партнёраў В2В, а таксама на азнаямленчую паездку на прадпрыемства. Для МСП, якія экспартуюць прадукцыю ў краіны ЕС, даступныя 59 схем суб-грантаў для трэціх бакоў у памеры да 60 000 еўра (максімум, у залежнасці ад характару і працягласці дзейнасці).

Праект накіраваны на стварэнне онлайн-партала з інфармацыяй аб гандлі па рэгіёнах, уключаючы тарыфы, нетарыфныя меры, падаткі, гандлёвую статыстыку і працэдуры. МСП могуць знайсці звесткі аб гандлі не толькі па рэгіёнах, але і па ЕС. Партал дазволіць кампаніям публікаваць справаздачы аб экспарце/імпарце і атрымліваць практычныя рашэнні ад адпаведных дзяржаўных устаноў.