Брэнды адзення з Малдовы і Беларусі ўпершыню прадставяць сваю прадукцыю на парыжскіх выставах-кірмашах Who's Next і Première Vision пры падтрымцы праекта «Гатоўнасць да гандлю». Праект рэалізуецца з дапамогай Цэнтра садзейнічання імпарту з краін, якія развіваюцца (CBI) і Цэнтра сусветнага гандлю (ITC) у рамках ініцыятывы EU4Business.

Каб дапамагчы беларускім і малдаўскім МСП пашырыць магчымасці экспарту адзення ў Еўропу, ITC і CBI засяродзіліся на швейнай прамысловасці гэтых краін. У абедзвюх краінах менавіта гэты сектар прамысловасці быў вызначаны як самы перспектыўны ў гэтых адносінах. Брэнды, якія ўдзельнічаюць у праекце, вырабляюць жаночую і дзіцячую вопратку, уключаючы трыкатаж, а таксама вясельныя строі.

МСП, якія прайшлі адбор для ўдзелу ў праекце, атрымалі кансультацыі і прайшлі навучанне, якое дазволіла ім прадставіць сваю вопратку на еўрапейскім рынку. Працуючы над сваімі калекцыямі, яны вывучылі сённяшнія патрабаванні, апошнія трэнды і стандарты устойлівасці на рынку Еўропы. Праз тры гады актыўнага навучання і падрыхтоўкі, 11 кампаній змаглі прадставіць свае калекцыі на топавых гандлёвых кірмашах Францыі – Who's Next and Première Vision 2021.

Who’s Next з Беларусі і Малдовы

На кірмашы Who's Next, брэнды паказалі сябе на асобных стэндах пад слоганамі «Зроблена ў Беларусі» і «Зроблена ў Малдове», прэзентуючы як брэнды, так і свае краіны. Эксперты па швейнай прамысловасці ад CBI прадстаўлялі на кірмашы ўсе брэнды як вядучыя ў сваіх краінах і падавалі інфармацыю аб дызайне, тэхніках і стандартах вытворчасці.

У катэгорыі «жаночая адзенне» былі прадстаўлены дызайнерскія рэчы ад Студыі Ларысы Балуновай (https://balunova.by), брэнда Lakbi (http://www.lakbi.com), якія пачалі з офісных касцюмаў і прыйшлі да сукенак, штаноў і іншых катэгорый, а таксама сямейнага брэнда Vladini (www.vladini.by), які існуе з 2007 года і стварае вопратку ў стылі гарадскі шык.

Сярод малдаўскіх лэйблаў на Who's Next прысутнічаў брэнд Julia Allert з геаметрычнымі формамі і капсульным асартыментам (https://juliaallert.com/ru/), L. Storojuc з уласным дызайнерскiм адзеннем (http://dininima.md/LIUDMILA-STOROJUC/), а таксама Amarena Secret - ветэран рынку жаночага адзення з 20-гадовым стажам (http://amarenasecret.com/). 

Таксама на кірмашы паказалі сябе беларусы Lea Lea, якiя пачыналі як невялікая модная студыя ў 2013 годзе (http://lealea.by/en/about-us), а Morozov brand Мікалая Марозава прадэманстраваў вальнадумства і энергію (https://morozov.com/). Малдаўскі брэнд Vistline прадставіў жаночыя курткі і жакеты, якія стварае з 2001 года (http://dininima.md/VISTLINE/).

Вынікі апынуліся шматспадзеўнымі. Усе кампаніі атрымалі унікальны вопыт прэзентацыі свайго адзення еўрапейскаму пакупніку і змаглі наладзіць неабходныя кантакты для развіцця свайго бізнесу на рынку ЕС.

Première Vision 2021

На выставе Première Vision, прысвечанай пераважна трыкатажу, былі прадстаўлены два беларускіх брэнда Bonadi і Oval, якія паказалі сваю прадукцыю на ўласным стэндзе пад кіраўніцтвам эксперта CBI. Bonadi вырабляе жаночы трыкатаж з розных тканін з 2007 года (www.bonadi.ru), а Oval стварае мужчынскую, жаночую і дзіцячую вопратку, а таксама выконвае заказы для прыватных лэйблаў (http://oval.by/en/home/).

Выстава Première Vision апынулася вельмі паспяховай для беларускіх удзельнікаў. Паколькі еўрапейскія брэнды шукаюць пастаўшчыкоў, якія былі б тэрытарыяльна бліжэй, чым у Азіі, з іх боку паўстала павышаная цікавасць да прамысловасці ва Усходняй Еўропе. «Ужо зараз можна з упэўненасцю сказаць, што мы можам экспартаваць сваю прадукцыю ў ЕС», – заявіў адзін з удзельнікаў. «Я адчуў сур'ёзную цікавасць да нашага тыпу прадукцыі».